22/11/07

PREVENIR A VIOLENCIA EDUCANDO NA IGUALDADE



Coidamos que unha das bases sobre as que se pode prever a violencia é a coeducación ou educación en e para a igualdade
de oportunidades.

Durante esta semana estivemos facendo distintas actividades, que nos axudaron a reflexionar sobre as situacións de desigualdade entre mulleres e homes, e as situacións de violencia contra as mulleres e as nenas .
  • Lectura de contos ou poemas relacionados co tema

  • Exposición de libros na biblioteca

  • Elaboración de carteis e exposición deles

  • Recolleita de noticias dos xornais , en internet...
Queremos aportar o noso gran de area para conseguir que as relacións entre homes e mulleres sexan máis respectuosas e pacíficas.

19/11/07

CONTOS NON SEXISTAS


Adela Turín publicou, xa fai varios anos, unha serie de libros onde toma partido "A favor das nenas" e presenta uns modelos de situacións e relacións distintos aos que nos podemos atopar na literatura infantil.


Hoxe propoñémosvos un dos seus contos "Una feliz catástrofe".Con este conto queremos que reflexionedes sobre a desigual distribución dos traballos entre os homes e mulleres.

Recomendámosvos a súa lectura tanto para nenos como para nenas, e por suposto para adultos.

Se queredes podedes escoitalo narrado pola propia autora .



15/11/07

25 de novembro:Contra a violencia de xénero

25 de novembro. Acabou a conta atrás.

Hoxe os BLOGS das BIBLIOTECAS ESCOLARES DE GALICIA temos moito que dicir:
Neste día no que se celebra o Día Internacional da Non violencia contra as mulleres, queremos reflexionar sobre iso. E un xeito de facelo é a través dos contos, que nos contan historias de cada día, nas que se emprega a violencia contra as mulleres dunha maneira cotiá, moitas veces sen nos decatar.

Gustaríanos non ter que celebrar un día coma este.

Gustaríanos que nenos e nenas se relacionasen sen que a diferenza de sexo marcase nada importante.

Gustaríanos que homes e mulleres falasen, falasen e falasen para resolveren os seus desencontros, como lles obrigamos a facer na escola aos nenos e ás nenas.

Gustaríanos que cada quen soubese onde rematan os seus dereitos e onde comezan os da persoa que ten á súa beira.

Gustaríanos que ninguén usase a súa forza nin física, nin laboral, nin económica… contra as mulleres para conseguir os seus propósitos.

Gustaríanos que no vindeiro 25 de novembro homes e mulleres atopasen o entendemento e non ter que chorar máis vítimas.

Gustaríanos que os contos se fixesen realidade .

CEIP Quintela -Moaña

AS BIBLIOTECAS ESCOLARES,
OS CENTROS DE ENSINO,
@S DOCENTES...
DICIMOS
NON Á VIOLENCIA!!!

UN POUCO DE AUTOESTIMA E CONFIANZA


Yo é o título dun delicioso álbum ilustrado de Philip Waetcher.O seu protagonista é un oso fantástico que pensa que a vida é maravillosa.Ten un corazón bondadoso e cheo de xenerosidade.Sabe e coñece as súas cualidades e os seus temores, e pode nomear os momentos nos que se sinte só... nos que para ser feliz necesita un amigo.

Un libro co que disfrutaredes tanto os nenos e nenas como os vosos pais e nais.

¡Disfrutade con este relato!

Nunca ven mal un pouco de autoestima

14/11/07

BLOG DE NATALIA



Hoxe queremos daros a coñecer o blog dunha compañeira vosa, de 4º de Primaria, no que ela reflexa os seus gustos pola lectura, os seus libros preferidos, as súas películas… e incluso as súas propias composicións.

Noraboa a Natalia por ese blog tan bonito!

Se queredes visitalo só tedes que clicar abaixo.


http://nataliapoeta.blogspot.com/


Pouco a pouco iremos presentándo os novos blogs que vaian aparecendo entre vos.

13/11/07

FRATO, 40 ANOS CON OLLOS DE NENO


Foi en 1968 cando Francesco Tonucci, ilustrador italiano, creou as súas viñetas.Nelas miraba o mundo con ollos de neno.Frato leva vivindo con nós 40 anos e para celebralo a Editorial Graó acaba de publicar un libro-álbum como homenaxe a todos estos anos de compromiso coa educación.

12/11/07

A TODO PORCO LLE CHEGA O SEU SAN MARTIÑO







Formando parte da Exposición: “TEMPO DE OUTONO” nenas e nenos de 4º curso de primaria elaboraron uns libriños explicando esta tradición.

Algúns dos refráns recollidos son:


“A todo porquiño
lle chega o seu San Martiño”.


“Polo San Martiño
mátase o porco
e próbase o viño”.

“O que non mata porquiño
non ten xamón nin chourizos”.

7/11/07

CONCURSO DA CASTAÑA


Xa temos os gañadores do concurso da castaña grande e pequeniña!!!!
Noraboa!!

Alba Carrera Fernández de 6ºA

Andrés Rodriguez de 5º A

O MAGOSTO



Na última semana de outubro celebramos o magosto no colexio. Tempo de lecer e de encontro de mestres e alumnos máis alá de libros e cadernos. Antes de acender as fogueiras estivemos a practicar xogos populares . Resultou moi divertido facer tantos xogos variados...

O tempo acompañou e arredor das fogueiras recitamos refráns , cantamos, bailamos, xogamos e comimos unha chea de castañas. Por certo estaban boísimas!!

Lembrade a música destas cantigas:

Señora María
señor Manuel
castañas asadas
e viño con mel.


Non chas quero, non chas quero,
castañas do teu magosto;
non chas quero, non chas quero,
que me cheiran ó chamosco.

Popular

4/11/07

CREANDO NO OUTONO


O SAMAÍN NA NOSA BIBLIOTECA




O venres celebramos o Samaín ou Halloween na biblioteca. Alumnas e alumnos de 6º de Primaria e algúns de 5º prepararon lecturas de contos de medo e misterio,algunhas inventadas por eles mesmos, que leron aos alumnos de 4º cun escenario perfecto .



A biblioteca ambientouse para a ocasión, coas luces apagadas, os calacús ou cabazas encendidas e só un foco a media luz.



Non creades que os asistentesntes sentiron moito medo, máis ben curiosidade por este tipo de libros e por esta festa .



O ruído da porta que se abría e pechaba facían máis cribles os relatos.

OS MEGATOXOS NO CLUB DE LECTURA


Este ano iniciamos unha nova andaina dende a biblioteca, a creación do Club de Lectura.
Queremos escoitar as vosas opinións e reflexións sobre os libros lidos.

O LIBRO DO MES

OS MEGATOXOS,
de Anxo Fariña

Cando Ruxe, Faísca, Ninfa e Lúa comezan este curso, apenas se coñecen. Mais un incidente fará que as súas vidas cambien. Decataranse de que teñen máis cousas en común que asistiren á mesma escola.
Estraños poderes, aventuras e misteriosos encontros. Todo iso mesturado nunha viaxe polo tempo, na procura de respostas, na terra dos seus antergos... os celtas

Anímate a ler este libro, do que che iremos ofrecendo máis información e actividades ao longo de todo o mes de novembro.

O 3 de decembro teremos unha sesión aberta do Club de Lectura para charlar e compartir comentarios sobre este libro, no recreo.

¡Ven á biblioteca a buscar o teu ejemplar!

1/11/07

CONTINUAMOS COS RELATOS DE MEDO













Noraboa a todos e todas os participantes deste certame. Esperamos todavía recibir moitos máis.


¡Ánimo escritores!