FOMOS AO TEATRO

Hai unhas horas fomos ver unha obra de teatro, regalo da nosa ANPA. “O Rei dos Mares” foi representada polo grupo Thepinga teatro.É a historia de Quintiño, un neno
moi imaxinativo.Unha das cousas que máis lle gusta é pasar a fin de semana cos seu avó e navegar no seu barquiño.Pola noite o seu avó cóntalle historias.Quintiño pecha os ollos, ao tempo que se embarca nunha viaxe , no seu barco de papel ,ao mundo dos soños;no océano infinito da imaxinación, aparecen dúas illas: a dos “Felices soños” e a dos “Pesadelos”. Grazas aos seus amigos consigue vencer a Pesadelo e as Latosas.

SESIÓNS DE CONTACONTOS

Fai uns meses visitounos Benxamín para contarlles historias e ilustralas ao noso alumnado de Educación Infantil. Moitas delas xa as tiñamos na nosa biblioteca. Deste xeito eles puideron volver a velas nas ilustracións dos libros.Servando Barreiro ,co seu acordeón, tamén estivo con nós cantando e contando historias coas que todos disfrutamos, tanto os pequenos coma os maiores. Ensinounos que as historias taménse poden cantar.

Día mundial da poesía

O 21 de marzo foi o día elegido pola UNESCO para celebrar o Día Mundial da Poesía.
Na nosa biblioteca tamén quixemos celebralo e promover a poesía como unha forma de cultura e de expresión.
Entre as actividades que levamos a cabo están:
v Lectura do manifesto de Fran Alonso enviado pola Consellería
v Exposición de libros de poesía
v Recitales de poesía nos recreos, por parte do alumnado
v Elaboración dun libro colectivo de poemas elaborados por eles.