Blog da biblioteca do CEIP Fermín Bouza Brey

GASTRONOMÍA PARA A PAZ

2012-01-18T14:21:00.000-08:00

Os días da Paz deben servirnos para recordar o deber que todos e todas temos de convivir en igualdade plena e efectiva de dereitos e oportunidades e de que , a cooperación , o labor compartido en equipo e a actitude comprometida cos outros , son modos esenciais para conseguilo .

Desde a nosa BiblioBrey propoñémosvos que co gallo do día da Paz , compartamos o noso compromiso e cooperemos para confeccionar un libro de aula para o noso disfrute , alimento e convivio : un libro de comidas e bebidas ……..

Con este libro de pratos e bebidas para a paz podedes todas e todos aproximarvos do vocabulario específico de asados e cocidos facendo que o libro de texto sexa por uns días o manual máis universal de todos : o de receitas de cociña .
E sendo por iso , un manual , o usedes desde o mesmo instante que o acabedes . Podería ser como un contrato do que un se compromete a ser, estar e facer o …

Contrato gastronómico para a Paz

Desde o próximo día 23 poderase dar a coñecer a todos os viciños as distintas receitas.
Con máis ou menos discurso de letras e con máis ou menos de debuxo : como o sal , ao gusto .

Exposición gastronómica para a Paz

Que se lean ben os ingredientes do prato por favor , así como , con atención , indiquedes as cantidades de cada un .
Para evitar que un despiste de científicos alborotados faga que se nos vaia a man , amig@s proveito e compañeir@s sexamos clar@s e precis@s na explicación de como facer a preparación .

Bo proveito pacífico!!!

FELIZ ANINOVO

2011-12-31T00:57:00.000-08:00

Xa sabemos que Asterix e Obelix son dous dos vosos protagonistas favoritos de cómics, por iso escollémolos para felicitarvos o ANINOVO. Desexámosvos que neste ano que comenza disfrutedes de máis lecturas.

Como xa ben sabedes o tema do proxecto da biblioteca deste ano son OS XOGOS OLÍMPICOS,por iso deixámosvos este trailer de Asterix e Obelix nos xogos olímpicos como pequeno agasallo.

Disfrutádeo!!!

UN LIBRO POLO NADAL

2011-12-28T00:09:00.000-08:00

Chegadas estas festas, coma os últimos anos, abrimos as portas da nosa biblioteca coa exposición de novidades dalgunhas editoriais. Esta actividade está incluída dentro da nosa campaña "Un libro polo Nadal". Foi visitada polos diferentes niveis e os martes pola tarde polas familias para xuntos escoller posibles títulos e poder incluílos na lista de agasallos.

Non vos esquenzades de pedir, polo menos, UN LIBRO POLO NADAL!!!

OLIMPIADAS MONSTRUOSAS

2011-11-19T08:33:00.000-08:00

Os peques de E ducación Infantil tamén quixeron participar na proposta da biblioteca para o Samaín. Eles decidiron ilustrar os seus medos nas olimpiadas.
Disfrutade da súa exposición.

O NOSO OUTONO

2011-11-19T03:24:00.001-08:00

Un ano máis puidemos disfrutar da exposición de outono no noso centro.

Que mellor forma para recibilo , que facer voar a imaxinación e crear bonitos diseños coas follas e os froitos que nos agasalla esta estación .
Xunto a estas creacións feitas polo alumnado xunto coas súas familias, puidemos ver os diferentes froitos de outono e aprender moitas cousas sobre eles.
As follas caen no outono, pero para os alumnos e alumnas de 1º caen de soño e así quixérono reflexar nun recuncho da exposición.
,

Disfrutade desta pequena mostra da exposición e grazas a todos pola vosa colaboración.

UNHA BIBLIOTECA QUE METE MEDO

2011-11-04T14:44:00.000-07:00

Durante estas semanas a biblioteca do noso cole vestiuse para o Samaín.

Neste entorno pasamos mooooito meedo, e tamén rimos ás gargalladas con algunha das vosas interpretacións. Disfrutamos cos relatos escritos por todos vos, superándoos cada ano máis. Este ano estaba máis complicado xa que as historias tiñan que estar ambientadas nas olimpiadas, pero unha vez máis demostráchedes o voso talento

Tamén puidemos disfrutar da exposición de libros , na biblioteca, habitados por trasgos, meigas, fantasmas, monstruos…

O ambiente que se creou na biblio era arrepiante.Un ano máis o Samaín deu moito que ver e escoitar!

Pasámolo de medooooo!!!

BIBLIOTECA ESCOLAR, ÚLTIMA XERACIÓN

2011-10-23T00:17:00.001-07:00

No mes de outubro as bibliotecas escolares xa estamos inmersas en proxectos e actividades.

Este ano para celebrar o Día da biblioteca (24 de outubro), o mes da biblioteca escolar (segundo convocatoria da IASL), a Consellería de Educación edita un cartaz cunha imaxe de Emma Ríos, ilustradora do mundo do cómic, interpreta o lema proposto, Biblioteca escolar, última xeración, e ofrécenos unha visión do que son e poden ser as bibliotecas escolares:
" lugares de encontro e de convivencia, espazos de aprendizaxe e de contacto gozoso coa cultura escrita; integración dos distintos soportes e formatos que albergan a información e os contidos culturais, oportunidades para soñar e imaxinar; apoio para a adquisición de competencias básicas e construción de coñecementos de calquera tipo; escolas de cidadanía".

(Vía Asesoría de Bibliotecas Escolares Galegas)

OLIMPIADAS MONSTRUOSAS

2011-10-19T03:11:00.000-07:00

Poderán participar todos os alumnos e alumnas do Centro que queiran individualmente ou en grupos, presentando textos no caso de 3º a 6º e deseños ou bandas os de infantil e 1 º ciclo .
Os textos , orixinais e inéditos , serán de extensión libre e versarán sobre o tema : “ Olimpiadas Monstruosas”
Os textos terán que vir decorados con debuxos alusivos e/ou marcos ou cenefas .
Os folios cos relatos conterán o nome, apelidos e curso da autoría e serán corrixidos e entregados à titor/a ata o 28 de outubro, xoves . Sortearemos regalos por participar .
Durante a 1ª semana de novembro poderemos asistir na Bilio à lectura ou representación dos
relatos por parte de autores de 6º .
E tamén no noso blogue !!!
o Os relatos poderán recollerse na semana do 7 de novembro para pasar a ser parte da carpeta literaria de cada autor.

Animádevos a participar!

Pasarémo-lo de medo!!!

SOMOS LECTORES OLÍMPICOS

2011-10-12T00:55:00.000-07:00

Os profes , levamos xa unhas semanas pensando e decidindo un novo tema para o PROXECTO DA BIBLIOTECA deste curso.

Imos traballar o tema das OLIMPIADAS a través dun proxecto que titularemos:

SOMOS LECTORES OLÍMPICOS

Agora que xa temos un lema para o noso proxecto, ídevos preparando porque este curso ímonos convertir en lectores olímpicos. Leremos, investigaremos e aprenderemos moitas cousas sobre as olimpiadas.

Preparados... listos... xa!!!

MELLORANDO A NOSA COMPRENSIÓN ORAL E ESCRITA

2011-10-09T01:00:00.000-07:00

Hoxe queremos invitarvos a entrar nesta páxina donde poderedes ler e escoitar unha chea de contos para pasar un bo rato , e nos permitirá mellorar a nosa comprensión oral e escrita.

Clica na imaxe de arriba para empezar.

ARMANDO CONTOS

2011-10-09T00:32:00.000-07:00

Anímate a armar un conto.Escolle personaxes e situacións e…. case por arte de maxia aparecerá o conto que ti creáches, e poderás velo cantas veces queiras.Invitámoste a que explores este sitio e o empeces a construir .
Lembra o que leíches, as opcións que escolléches e escribe o teu conto no teu caderno para poder compartilo cos demáis .

Clica na imaxe e empeza a armar o teu conto

AS MOCHILAS VIAXEIRAS XA ESTÁN EN MARCHA

2011-10-08T09:17:00.000-07:00

Esta semana botaron a andar as Mochilas Viaxeiras. Esta actividade xa é coñecida pola maioría das familias, pois xa levamos con ela varios anos.
Chegarán ás vosas casas cada semana co obxectivo de animar a ler en familia. Dende que comezaron a súa andadura, as mochilas viaxeiras percorreron xa un montón de casas con aportacións impresionantes das familias, que deixáchedes reflexadas nos cadernos que van nelas. Dende a Biblioteca queremos agradecervos a todos os que participáchedes con nós nesta aventura e que seguides querendo que os vosos fillos/as viaxen polo maravilloso mundo dos libros e da lectura. Agardamos que sigades disfrutando como ata agora e gustaríanos poder compartir con vós algúns deses momentos a través das fotos que nos fagades chegar ao correo da biblioteca

bibliobrey.ponteareas@gmail.com

Unha vez máis, gracias a todos por participar...

BENVIDOS E BENVIDAS AO NOVO CURSO

2011-09-20T14:05:00.000-07:00

De vacacións sempre se está ben.Verdade? Vimos coas pilas recargadas. Xa estamos de novo dispostos a empezar este curso 2011-2012.
Dende a biblioteca queremos darvos a benvida e dicirvos que esperamos veros moito por aquí.
Este curso teremos novidades, coma sempre.
De momento ...

Preparados! Listos! Xaaa!

FELICES VACACIÓNS!!

2011-06-27T01:07:00.000-07:00

Outro curso que remata cun montón de lembranzas na memoria, no corazón...
Para celebralo , tivemos a actuación do grupo MIGALLAS, que nos amenizou o día coas súas cancións e bailes.

¡¡Felices vacacións e boas lecturas!!

MEMORIAS DUN NENO LABREGO

2011-06-08T02:49:00.000-07:00

Este ano celébrase o 50 aniversario da publicación deste magnífico libro. Foi un dos libros máis lidos en galego. Xosé Neira Vilas foi capaz de emocionarnos aos lectores coas historias de balbino.

No noso colexio houbo moitos que se animaron a lelo. Os de 6º A incluso fixeron algún traballo e ilustraron a parte que máis lles gustou.

Para os que todavía non vos animáchedes a lelo, e para que o fagades no verán, deixóvos este pequeno vídeo .

MANIFESTO DAS BIBLIOTECAS ESCOLARES

2011-06-06T00:41:00.000-07:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

A insoportable levedade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.
Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Colectivo dos equipos das bibliotecas escolares integradas no PLAMBE (Plan de Mellora das Bibliotecas Escolares Galegas)

VI MOSTRA DE TEATRO

2011-05-30T11:44:00.000-07:00

Un ano máis chegou o teatro ao noso centro coincidindo coas Letras Galegas. Ano tras ano vanse superando os nosos actores e actrices.

Noraboa a todos os participantes!!

LER TEATRO PARA PASAR UN BO RATO

2011-05-27T10:57:00.000-07:00

O mes de maio é o mes das Letras e no noso centro é tamén o mes do teatro. Facemos exposición temporais cos fondos da biblio, animando deste xeito a tódolos rapaces e rapazas a ler teatro. Coincidindo coas Letras Galegas tamén puidemos disfrutar da VI Mostra de teatro.

Leed teatro para pasar un bo rato !!

GRANDES ESCRITORES DO BOUZA BREY

2011-05-26T14:31:00.000-07:00

Un ano máis puidemos disfrutar da exposición dos libros feitos polo alumnado ao longo do curso.

Cada ano vanse superando e as caras dalgúns deles son reflexo do que disfrutaban lendo os libros dos compañeiros.

LOIS PEREIRO VISTO POLOS NENOS

2011-05-07T00:34:00.004-07:00

CANTIGA DE QUINTO . "A RIANXEIRA"

2011-05-07T00:34:00.001-07:00

A RIANXEIRA

ONDIÑAS VEÑEN, ONDIÑAS VEÑEN

ONDIÑAS VEÑEN E VAN

NON TE VAIAS RIANXEIRA

QUE TE VAS A MAREAR.

A VIRXE DE GUADALUPE

CANDO VAI POLA RIBEIRA

DESCALCIÑA POLA AREA

PARECE UNHA RIANXEIRA

DESCALCIÑA POLA AREA

PARECE UNHA RIANXEIRA.

ONDIÑAS VEÑEN, ONDIÑAS VEÑEN

ONDIÑAS VEÑEN E VAN

NON TE VAIAS RIANXEIRA

QUE TE VAS A MAREAR.

A VIRXE DE GUADALUPE

CANDO VAI

PARA RIANXO

A BARQUIÑA QUE A LEVA

ERA DE

PAU DE LARANXO.

ONDIÑAS VEÑEN, ONDIÑAS VEÑEN

ONDIÑAS VEÑEN E VAN

NON TE VAIAS RIANXEIRA

QUE TE VAS A MAREAR.

A VIRXE DE GUADALUPE

QUEN A FIXO MORENIÑA

FOI UN RAÍÑO DE SOL

QUE ENTROU POLA VENTANÍÑA

FOI UN RAÍÑO DE SOL

QUE ENTROU POLA VENTANÍÑA.

ONDIÑAS VEÑEN, ONDIÑAS VEÑEN

ONDIÑAS VEÑEN E VAN

NON TE VAIAS RIANXEIRA

QUE TE VAS A MAREAR.

As familias de LAURA ESTÉVEZ , de 5ºA, e de MARÍA SIMÓN, de 6ºA, foron as que nos fixeron chegar esta cantiga.

Grazas unha vez máis!!!

Se queredes cantala, podedes clicar na imaxe, e... A CANTAR!!!

CANTIGA APADRIÑADA POR PRIMEIRO: "POLO RÍO ABAIXO"

2011-05-06T23:52:00.000-07:00

Esta cantiga foi aportada polas avoas de Diego Pino Peixoto (5ºA) e a de Mónica (1º B)

POLO RÍO ABAIXO

POLO RÍO ABAIXO VAI
UNHA TROITA DE PÉ,
CORRE QUE TE CORRE
QUEN A POIDERA COLLER?
QUEN A POIDERA COLLER?
QUEN A POIDERA PESCAR?
Variante:
Quen a poidera pillar???
POLO RÍO ABAIXO VAI
UNHA TROITA A NADAR.

NO HAI QUIEN PUEDA ,
NO HAY QUIEN PUEDA,
CON LA GENTE MARINERA
MARINERA, PESCADORA
NO HAY QUIÉN PUEDA POR AHORA

Animádevos a cantala!

CANTIGA DE CUARTO: "O GATO"

2011-05-06T00:33:00.001-07:00

Esta cantiga fíxonola chegar a avoa de SIMÓN de 5ºB e a de Pedro García de 6º de Educación Infantil.

O GATO

XUNTÁRONSE CATRO UN DÍA

OS MELLORES DESTE BARRIO

MATARON UN GATO A TIROS E O METERON NUN SACO.

VAI O GATO METIDO NUN SACO

VAI O GATO PARA TERRA DE LAXE

VAI O GATO METIDO NUN SACO

AI! GATIÑO XA NON VOLVE MÁIS.

QUE TAL LLES PARECERÍA

A CALQUERA DISES CATRO,

QUE OS METERAN NUN SACO

COMO METERON AO GATO.

VAI O GATO....

Se queredes animarvos a cantala clicade sobre o debuxo de arriba.

CANTIGA DE TERCEIRO : "LÉVAME"

2011-05-06T00:33:00.000-07:00

LÉVAME

LÉVAME, LÉVAME, LÉVAME

LÉVAME Á BEIRA DO MAR

UNHA NOITE PRATEADA

NOITE DE “RAYO” LUAR.

LÉVAME, LÉVAME, LÉVAME

LÉVAME Á BEIRA DO MAR

LÉVAME MEU QUERIDIÑO

QUE EU TAMÉN QUERO BAILAR.

EU QUERO BAILAR! EU QUERO BAILAR!

EU QUERO BAILAR NO MEDIO DA RÍA

EU QUERO BAILAR , EU QUERO BAILAR

EU QUERO BAILAR EN VILGARCÍA.

A avoa de JACOBO ÁLVAREZ PARGA de 5ºA foi a que nos fixo chegar esta cantiga.

Moitas grazas!!!

CANTIGA DE SEGUNDO: "NA BEIRA DO MAR"

2011-05-06T00:13:00.000-07:00

NA BEIRA DO MAR

NA BEIRA, NA BEIRA ,

NA BEIRA DO MAR ,

HAI UNHA BARQUIÑA

PRA IR A NAVEGAR

NA BEIRA , NA BEIRA , NA BEIRA DO MAR .

OLLOS VERDES SON TRAIDORES

OS AZUIS MENTIREIROS

OS NEGROS E ACASTAÑADOS

SON FIRMES E VERDADEIROS.

NA BEIRA, NA BEIRA ,

NA BEIRA DO MAR ,

HAI UNHA BARQUIÑA

PRA IR A NAVEGAR

NA BEIRA , NA BEIRA , NA BEIRA DO MAR .

CINCO SENTIDOS TENEMOS(BIS)

OS CINCO NECESITAMOS,

PERO OS CINCO PERDEMOS

CANDO NOS ENAMORAMOS

NA BEIRA, NA BEIRA….

A familia de MANUEL, de 5ºB, e de CARLOS MOLDES PEÑA, de 6º de E. I, foron as que nos fixeron chegar esta cantiga.

OS DE EDUCACIÓN INFANTIL REGÁLANNOS UNHA CANTIGA

2011-05-03T07:38:00.000-07:00

Como xa sabedes é un proxecto que comezamos no 1º trimestre, e grazas a colaboración das familias, temos recollidas perto de setenta cantigas!!.

Queremos facer un cancioneiro con todas elas, e non deixar que se esquezan.

Neste curso apadriñamos unha cantiga por nivel, para aprender a cantala.Así
cando haxa unha reunión familiar, poderemos participar do lecer de cantar xuntos.

Tamén fixemos fermosos murais representando a cantiga apadriñada .

Hoxe empezaremos a mostrarvos o mural de Infantil e a cantiga apadriñada no seu ciclo:
“A saia da Carolina” aportada polas familias dos alumnos:ALICIA RAIMÚNDEZ UCHA (6ºC),
ROCÍO BARROS PRESA (5ºA) e ALBA RODRIGUEZ RODRIGUEZ (1ºC)

A SAIA DA CAROLINA
TEN UN LAGARTO PINTADO
CANDO ACAROLINA BAILA
O LAGARTO DALLE AO RABO.
BAILACHES CAROLINA?
BAILEI, SI SEÑOR
DIME CON QUÉN BAILACHES
BAILEI CO MEU AMOR
BAILEI CO MEU AMOR
BAILACHES CAROLINA?
BAILEI, SI SEÑOR.

Animádevos a aprender a letra e a cantala!!

VISITA DO CENTRO DE DÍA

2011-05-02T00:41:00.000-07:00

No Centro de Día , teñen un obradoiro de cantigas polo que o venres pasado viñeron visitarnos para deleitarnos con algunhas delas. Os alumnas e alumnos de 5º de Primaria para agradecerlles que se achegaran ao noso centro, quixeron compartir con eles algúns poemas, e cantigas que aprendimos neste curso.

Este ano, no cole, co proxecto “Regálame unha cantiga” estivemos coñecendo algunhas cantigas de caracter festivo que se soían cantar nas reunións familiares, despois de xantar....

Coa colaboración das nosas familias recollimos perto de setenta cantigas diferentes, que formarán un pequeno cancioneiro, para o noso cole.

Cada curso, apadriñou a súa cantiga:
Infantil “A saia da Carolina”
1º “Polo río abaixo vai”
2º “Na beira do mar”
3º “Lévame , lévame”
4º “Vai o gato metido nun saco”
5º “A Rianxeira”
6º “Catro vellos mariñeiros”…

Así poderemos cantar coas nosas familias e , coas amigas e amigos , e axudar a que ese saber vaia pasando das persoas maiores aos pequenos, para que non se perda.

Comezamos por recitarlles uns poemas de Antonio García Teijeiro , escritor do que estivemos coñecendo algúns poemas da súa obra, e que hai moi pouco tivemos a sorte de ter connosco , no colexio . Tamén recitaron algúns compostos por eles mesmos.

A SRA. VITORIA regalounos un POEMA de Rosalía de Castro, da súa obra “Cantares Gallegos”.
Eles regaláronos as cantigas “Ai Pepiño adeus”, e “Eu queríame casare” .

Antes de rematar este Encontro entre distintas xeneracións , a señora Avelina contounos un conto, exemplo tamén da nosa tradición oral : “O piollo e a pulga”

Como peche final os alumnos e alumnas quixeron regalarlles a súa cantiga apadriñada: “A Rianxeira” . Algúns dos maiores tamén se animaron a cantala.

Moitas grazas de novo por achegarse ata aquí !

Desexamos que volvan pronto!!

SAÍMOS NA TELE

2011-04-30T13:41:00.000-07:00

Como sabedes a televisión local quixo compartir con nós a visita de Antonio García Teijeiro. Aqui deixámosvos a reportaxe que fixeron.

DIA MUNDIAL DO LIBRO E DOS DEREITOS DE AUTOR: 23 de ABRIL

2011-04-23T08:47:00.000-07:00

Hoxe 23 de abril celebramos o Día Mundial do Libro e dos dereitos de Autor. A UNESCO pretende, con esta celebración , fomentar a lectura, a industria editorial e a protección da propiedade intelectual por medio do dereito de autor.

Se queredes saber algo máis sobre a historia deste día clicade sobre a imaxe.

Para celebrar este día o poeta Carlos Negro quixo agasallarnos ás Bibliotecas Escolares Galegas con este fermoso texto , "O lugar da lectura"

Unha illa de luz na xema dos dedos.
Unha porta sempre entreaberta.
Unha duna cara ao vento.
Unha nube sobre a herba.
Unha casa encantada.
Unha laranxa do paraíso.
Unha pousada no inferno.
Unha man e unha fouce.
Unha carapucha vermella.
Unha bufanda colorada.
Unha alfombra no ceo.

A pulga e o xigante.

A rosa e o cravo.
A serpe e a mazá.
A fonte e o cervo.
A flor da candea.
A fenda do espello.
A lúa na boca.
A tona do tempo.
A pedra e o canto.
A voz e o silencio.
O lugar da lectura.

Carlos Negro.

CONTACONTOS CON IAGO

2011-04-12T13:29:00.000-07:00

Un ano máis puidemos disfrutar da visita de Iago. Os alumnos e alumnas do 1º Ciclo pasaron un bo rato grazas a historia que nos contou dunha nena chamada Alba. Alba foi en bici cos seus amigos e atopou unha muller que quería facer unha bufanda.Xuntas buscaron a lá e as agullas para facela. Esta bufanda convertiuse nun ARCO DA VELLA. Alba foise para a cama feliz, sen olvidarse de ler un conto como todas as noites.

Que ben o pasamos!!!

VISITA DE ANTONIO GARCÍA TEIJEIRO

2011-04-05T01:20:00.000-07:00

Onte visitounos o escritor Antonio García Teijeiro, co que os nenos e nenas de 5º e 6º de EP compartiron momentos moi especiais. Primeiro visitou a nosa biblioteca donde asinou no libro de visitas e tamén algún exemplar que gardaremos como un tesouro.Antes de empezar co acto paseou polos corredores lendo tamén as poesías feitas polos rapaces e rapazas do cole.
Contounos moitas cousas interesantes sobre a súa vida e sobre a poesía. Tamén falamos dos seus poemas, algúns dos cales, foron escenificados e recitados e outros incluso ilustrados.
Rematou o acto cun xogo de memoria e coa lectura dun poema do seu último libro.
Convidounos a seguir facendo poesía.

MOITAS GRAZAS, ANTONIO!!

Deixámosvos esta pequena reportaxe:

AS PAREDES VÍSTENSE DE POESÍA

2011-03-28T00:43:00.000-07:00

Desde o martes 15 de marzo colocaremos tiras de papel , como colas de traxes , estamos colgando os vosos poemas e así poder compartir as vosas creacións . Xa sabemos que algúns aproveitades diferentes momentos para lelos, non só na “ hora de ler “.

BOLBORETAS NO PAPEL

2011-03-13T01:27:00.000-08:00

Durante todo o mes de marzo seguiremos falando, lendo e escribindo poesía. Hoxe invitámosvos a disfrutar desta poesía.
Mírase no espello,

con todas as cores

unha bolboreta

que viviu nas flores.

Mírase fermosa

Mírase belida tan chusca tan leve tan chea de vida.

Sobe e baixa e sobe

diante do espello.

El está ben canso

e séntese vello.

E séntese triste ao vela voar. Linda bolboreta, non te mires máis.

(C) Antonio García Teijeiro
Bolboretas no papel

VESTIR AS PAREDES DE POESÍA

2011-03-12T13:56:00.000-08:00

Estamos no momento de facer obras agora que a primavera empeza a quentar . Unha reforma fácil e colorista é a que vos propoñemos :

Vestir as paredes de poesías

Desde o martes 15 de marzo colocaremos tiras de papel , como colas de traxes , desde as nosas árbores da ilusión, donde poderedes colgar os vosos poemas e compartir as vosas creacións . E, así teredes un estupendo lugar para disfrutar da vosa “ hora de ler “ nos quince días seguintes.
Antonio García Teijeiro é un dos nosos poetas favoritos, por iso deixóvos este vídeo para que saibades os motivos que lle levaron a escribir poesía. Seguro que cada un de vos tamén descubriredes os vosos motivos.

Boas rimas !

FESTA DE ENTROIDO

2011-03-06T14:09:00.000-08:00
Durante estas semanas estivemos preparando o Entroido.Este ano o tema escollido foron os contos.
"Os tres porquiños", "Brancaneves e os sete ananiños", "O soldadiño de chumbo", "O mago Merlín","Carapuchiña Vermella", "Aladín", "O Gato con Botas", "Moby Dyck" e "Academia de piratas", foron os títulos dos libros dos que saíron os personaxes deste entroido.

Aquí tedes unha pequena reportaxe.

SOBREMESAS DE ENTROIDO

2011-03-06T13:11:00.000-08:00

O xoves puidemos ir ao cole co noso disfraz favorito e celebrabamos a gran merenda coas sobremesas de entroido que trouxemos da casa. Foi moi divertido chegar ao cole e ver todos os disfraces . Xa máis tarde, saímos a merendar ao patio. Probamos un montón de postres: filloas, orellas, leite fritida... e COMA SEMPRE... TODO ESTABA MOI RICO.

GRACIAS FAMILIAS POLA VOSA COLABORACIÓN.

PALABRAS NO AR

2011-02-28T14:22:00.000-08:00

O noso alumnado de 4º e 6º veñen de participar, a pasada semana, nos obradoiros de oralidade e de escrita creativa que Kalandraka desenvolveu no Biblioteca Municipal para o programa Bocaberta, dentro da campaña PALABRAS NO AR.
PALABRAS NO AR ten como principal obxectivo fomentar e reforzar o uso da lingua galega, especialmente no eido das tecnoloxías da información. O coñecemento e posta en valor da nosa rica tradición oral, estimular a creatividade e a sensibilidade tanto no plano literario como no plástico e musical . KALANDRAKA tampouco renuncia á achegarlles aos máis cativos a lectura en galego como pracer e goce contribuíndo a que estimen as producións orais, literarias, plásticas e musicais como un prezado ben cultural.
Se queredes saber máis do que alí aconteceu visitar o seu blog , pero para entrar en fariña... aquí tedes este resumo en imaxes.

ORDES DO MECO

2011-02-28T13:36:00.000-08:00

XA CHEGOU O ENTROIDO E CON ÉL O MECO E AS SÚAS PRIMEIRAS ORDES . TODOS A CUMPRILAS SE O QUEREDES PASAR BEN.

Non vos esquenzades :

MARTES moi ledo virás, e algo na cara pintarás
A túa cabeza adornarás, e algo divertido, o MÉRCORES traerás.
Para tomar a merenda cos teus amigos, o XOVES terás que vir vestido, co teu disfraz preferido.

VIVA O ENTROIDO!!

RECEITAS PARA UN MUNDO MÁIS DOCE

2011-02-06T13:06:00.000-08:00
Outra das actividades que se levaron a cabo, co motivo do Día da Paz, foi a elaboración de receitas para conseguir entre todos un MUNDO MÁIS DOCE.
Aqui deixámosvos unha pequena mostra.

AS ÁRBORES DA PAZ

2011-02-06T01:15:00.001-08:00
Dende que nos visitou Anxo Moure estabamos desexando ler "As árbores da PAZ", un dos contos que él nos deu a coñecer. Que mellor momento que lembralo nestos días que a palabra PAZ non parou de soar nos nosos oídos.
Deixámosvos unha pequena mostra dalgúns dos debuxos que fixeron despois de escoitar o conto.

Non vos olvidedes das instruccións de Anxo para plantar as árbores da paz:
Collemos unha semente que se chama XUSTIZA.
Regámola cunha palabra que se chama SOLIDARIEDADE
Abrazámola cun sentimento que se chama TENRURA
Unha vez seguidads estas instruccións poderedes comprobar como medran as árbores da PAZ.

DÍA DA PAZ

2011-01-31T00:46:00.000-08:00

O VENRES FESTEXAMOS O DÍA ESCOLAR DA NON VIOLENCIA E DA PAZ.

DESPOIS DE ESCOITAR O MANIFESTO , LEÍDO POLOS DE 6º, ESTIVEMOS ATENTOS Á LECTURA E RECITADO DAS MENSAXES ESCRITAS, POR CADA AULA, NAS CINTAS.

AS CINTAS DE CORES PENDURÁRONSE DA NOSA ÁRBORE DA PAZ.

PARA REMATAR CANTAMOS E INTERPRETAMOS A CANCIÓN ESCOLLIDA PARA ESTE ANO :" LOS NIÑOS QUEREMOS LA PAZ". TANTO NOS GUSTOU QUE PEDIMOS CANTALA UNHA SEGUNDA VEZ.

CANCIÓN PARA A PAZ

2011-01-27T09:22:00.000-08:00

Mañán, se o tempo o permite, celebraremos o día da PAZ. A canción que este ano escolleron os profes de música seguro que xa a sabedes, pero por se queredes repasala ,deixámosvos este vídeo e a letra

LOS NIÑOS QUEREMOS LA PAZ

Se paró el reloj
en el andén de la estación,
despertó una canción,
en un rincón del corazón.
Son de aquí, son de allá,
se fueron sin poder hablar.
Su familia somos todos
y nunca vamos a olvidar.

Amigo conmigo tú puedes contar,
y todos unidos vamos a ganar.

Canta conmigo canta
gritaremos basta ya.
Ven y dame la mano,
los niños queremos la paz.
(BIS)

Nuestra voz llegará
por la tierra y por el mar,
yo estaré, tú estarás
y nunca nos podrán callar.
No nos van a quitar
la esperanza de vivir,
en un mundo sin temor
donde poder ser feliz.

Amigo conmigo tú puedes contar,
y todos unidos vamos a ganar.

Canta conmigo canta
gritaremos basta ya.
Ven y dame la mano,
los niños queremos la paz.
(BIS)

Hoy estamos aquí
te queremos cantar,
los niños queremos la paz.
Hoy estamos aquí
te queremos cantar,
el mundo quiere estar en paz.
Canta conmigo canta
gritaremos basta ya.
Ven y dame la mano,
el mundo quiere estar en paz,
el mundo quiere estar en paz,
el mundo quiere estar en paz.

(Intérpretes Grupo 3+2)

LIM PARA O DÍA DA PAZ

2011-01-18T07:57:00.000-08:00
Dende o Recanto de Mik acabamos de coñecer estas actividades interactivas elaboradas por Belén Junquera.
Preme na imaxe se queres aprender máis cousas sobre a PAZ:

O SOLDADIÑO DE CHUMBO

2011-01-18T07:41:00.000-08:00
O conto de Andersen acaba de ser adaptado, por Xabier Senín, aos novos formatos dixitais.Unha curtametraxe animada con deseños de Alfonso Costa, música de Emilio Aragón e as voces de Manuel Manquiña e Luis Piedrahita. A ambientación está feita no Museo do Xoguete de Allariz.

FESTA DE NADAL

2011-01-02T01:23:00.000-08:00
Este primeiro trimestre quixemos rematalo, coma todos os anos, cunha festa chea de actuacións dos rapaces e rapazas, e tamén dos profes!!
Como mostra deixámosvos esta pequena reportaxe destes dous días.

CABEZA A PAXAROS

2010-12-03T03:08:00.000-08:00

A miña ilusión… é … consistiría en … viría …
Meu soño... acabando este ano sería …
Encantaríame ... que no ano próximo …

Estes serían exemplos de cómo podería empezar a descrición do que te pedimos
que expliques con palabras marabillosas, ou sorprendentes debuxos de cómic. . . cal sería a forma e movemento da túa ilusión agora que estamos entre o ano que se acaba e o ano que comeza …

Don Moucho na árbore dos desexos os gardará ao servizo de todos os camiñantes que amistosamente os quixeren compartir connosco …

Quere ser a actividade de fomento da lectura que propoñemos desde a Biblioteca para estas datas , últimos días e primeira semana de xaneiro.

Nun folio describiremos como sería aquilo que me gustaría que fose ou que me gustaría que cambiase e cómo : o ano, o curso , o equipo , o meu cuarto , a miña bici …

· Non é pois unha sustitución de carta aos Magos nin de descrición de xoguetes

· De parecerse se parecería a unha expresión de cómo desexo eu o ano próximo ,falamos de ilusións pero non falamos xeralidades con palabras vacías senón de que a través de obxectos concretos se exprese o desexo .

· Polo menos en términos xenéricos , a paz e o amor poderían expresarse así : … estar de viaxe polo camiño francés durante quince días co a miña familia … recibir unha carta de Colombia que diga :....

Estas ilusións serán depositadas nos sobres da àrbore dos soños que a cada grupo corresponde e serán logo o noso texto da “hora de ler “.

REGÁLAME UNHA CANTIGA

2010-11-16T02:56:00.000-08:00
Anímate a recoller unha cantiga tradicional na túa familia!.
Pregúntalle aos teus pais , aos avós e avoas ….que che conten cando soían cantar .

Elixide a cantiga que máis vos guste e lembra con eles , momentos de lecer , cando os escoites cantarche esa cantiga , que escrita por ti ou polos teus maiores , debes entregar no cole ao teu titor/ ou titora, o antes posible!!!

Ampliamos o prazo de recollida ata finais de novembro.

CELEBRANDO O SAMAÍN

2010-11-14T11:17:00.000-08:00

Durante estas semanas estivemos celebramos no cole o Samaín, pasamos mooooito meedo, e tamén rimos ás gargalladas con algunha das vosas interpretacións. Disfrutamos cos relatos escritos por todos vos, superándoos cada ano máis.

Na biblioteca puidemos disfrutar da exposición de libros habitados por trasgos, meigas, fantasmas, monstruos…Don Moucho, a nosa mascota, tamén quixo prepararse para a ocasión.
Os de Educación Infantil crearon aos seus propios monstruos, falaron sobre eles e de como superar os seus medos.

O ambiente na biblio era arrepiantemente, a música de ambiente axudaba tamén, facendo incluso máis verosímil os relatos.

Pasámolo de medooooo!!!

VISITA DE ANXO MOURE

2010-11-12T07:21:00.000-08:00

Esta semana visitounos o famoso atrapacontos Anxo Moure, que chegou montado na súa bici baixo unha intensa chuvia .
Nos xa estiveramos lendo o seu libro “O carballo con botas”no cole e por iso estabamos desexando coñecelo.

Convertiu a nosa biblioteca nun restaurante no que nos amosou como atrapar os contos, amasalos, comelos e contalos, e como cada libro é un ximnasio da imaxinación.

Gustáronnos moito os contos do Chinchanciño, de Coureliña, a nena que soñou cun bosque de cartón e quixo pintalo de cor... e moitos máis...

Ensinounos a reciclar os nosos corazóns, a valorar a importancia de respetar a natureza.

Explicounos como mirar polo miramundos o corazón dunha árbore, e cando isto se fai xa nunca máis podemos facerlle dano á natureza.

Limpamos o bosque, non deixamos que Chinchanciño tirase máis lixo, abrazamos as árbores, reciclamos o noso corazón.

Explicounos que para defender as árbores hai que mollarse e él mollouse e mollounos coas bagaos, do sufrimento de moitas árbores, que traía nunha botella.

Moitas grazas Anxo por contaxiarnos do teu amor polos libros e pola natureza.
Ata pronto!

POR FIN CHEGOU O MAGOSTO

2010-11-07T01:59:00.000-07:00
O pasado xoves celebramos o Magosto no cole. Preparamos cestos coas castañas e outros cos manteis e diferentes froitos secos que iamos degustar. Mentras as castañas se ían asando xogamos e cantamos. Despois de comer as castañas e saborear os outros froitos ,os de sexto deleitáronnos cun rap do magosto e entregouselles os agasallos aos gañadores da castaña máis grande e da máis pequenna.

POEMA DE OUTONO

2010-11-07T01:24:00.000-07:00

Como xa todos ben sabemos o outono é unha estación que inspirou a moitos escritores, polo que ten de nostalxia, de morriña, de saudade... O sol vai deixando paso ás nubes, ao vento e ás chuvias. A natureza amósanos unha paisaxe diferente chea de cores, luces...

Como exemplo, aquí tendes un poema que nos fixeron chegar Florencia e Alba, dúas alumnas de 5ºA, inspiradas tamén por esta estación.

CELEBRANDO O MES DAS BIBLIOTECAS

2010-11-05T15:09:00.000-07:00
Durante outubro estivemos celebrando o mes da biblioteca con diferentes actividades.

Aqui vos deixamos unha pequena reportaxe fotográfica.

TALANDO CABAZAS PARA O SAMAÍN

2010-10-24T13:58:00.000-07:00
Todos estades traballando moito para a exposición de cabazas que facemos nestas datas. Por se vos queredes saber máis sobre esta arte clicade na seguinte imaxe.

A LECTURA TAMÉN VIAXA EN BIBLIOBURRO

2010-10-24T11:53:00.000-07:00
Navegando pola rede atopámonos cunha experiencia levada a cabo polo profesor Luis Soriano en Colombia, xa dende fai varios anos. Percorre cos seus burros, Alfa e Beto, as aldeas cercanas para levar a cultura a quen non ten acceso aos libros. Comenzou cuns 70 títulos e agora xa conta cuns 4.800 exemplares. Soriano sentiuse fascinado pola lectura dende pequeno. Como mestre de primaria, ocurriúselle a idea despois de observar o poder que tiña a lectura nos seus estudantes

Con tal de que a lectura chegue ao seu destino, o medio de transporte é o de menos. Toda unha lección de humanidade nesta era das novas tecnoloxías.

MOSTRA DE RELATOS DE MEDO

2010-10-18T04:19:00.000-07:00

Un ano máis convocamos esta mostrra de relatos de medo coa chegada do outono e aproveitando o Samaín.

BASES :

o Poderán participar todos.as alumnos e alumnas do Centro quer individualmente quer en grupos .

o Os textos deberán ser orixinais e inéditos e serán de extensión libre .

o Decoraremos o texto con debuxos alusivos e/ou marcos ou cenefas .

o Os folios cos relatos conterán o nome, apelidos e curso da autoría .

o Entregaran-se en folio a Titor/a ou na Biblioteca até o 28 de outubro, xoves .Non se aceptarán traballos fóra do prazo marcado . Agradecerase a participación .

o Durante a 1ª semana de novembro poderemos asistir na Biblio à lectura ou representación dos relatos por parte de autores empezando sempre polos de 6º . E tamén no noso blogue !!!

o Os relatos poderán recollerse na semana do 7 de novembro para pasar a ser parte da carpeta literaria de cada autor.

Animádevos a participar! Pasarémolo de medo!

CANTANDO EN GALEGO DENDE A INDIA

2010-10-13T10:44:00.000-07:00
Nun lugar moi afastado da India estase cantando unha das cancións máis populares en galego.
En Pubai-Orissa, na India, existe unha escola financiada por veciños de Cangas a través da ONG Shanga. Ademáis de alimentalos, os nenos reciben formación e entre as clases non podía faltar a música.
Velaí un vídeo cunha mostra do que aprenderon.

A MIÑA BIBLIOTECA IMAXINARIA

2010-10-10T14:05:00.000-07:00

No mes das bibliotecas te invitamos a imaxinar e ilustrar como sería a túa biblioteca particular, un espazo cheo de maxia.

Que tería a túa biblioteca imaxinaria ?

Tería un parque con árbores e bancos?
Tería libros comestibles?
Estaría nunha árbore e as súas polas serían os andeis?

Con todos os vosos debuxos faremos unha fermosa exposición.

Deixa voar a túa imaxinación !!!

AS MOCHILAS VIAXEIRAS EN MARCHA

2010-10-08T10:36:00.000-07:00

Un ano máis pomos en marcha unha das actividades de fomento da lectura que temos dentro do Proxecto Lector do Centro. Trátase das Mochilas Viaxeiras, que a maioría xa coñecedes, irán de casa en casa con lecturas e películas para compartir con ilusión pais e fillos. Irán acompañadas dun Caderno no que cada familia reflexará as opinións e impresións que lles suxire o material, tamén poden ir acompañados de debuxos sobre as lecturas ou película.
Entregaránse os venres e terán que ser devoltas o mércores da semana seguinte.

Para levar a cabo esta actividade, dun xeito efectivo e motivador, necesitamos que non o vexades como deberes, senón como un xeito de compartir e disfrutar os libros e películas en familia.

MES DAS BIBLIOTECAS ESCOLARES

2010-10-07T14:35:00.000-07:00

Xa estamos no mes de outubro, o mes das bibliotecas escolares. Este ano é Marina Seoane quen ilustrou o lema proposto, unha ilustradora nacida en Madrid pero asentada xa hai tempo en Galicia, membro de AGPI (Asociación Galega de Profesionais da Ilustración).

O noso Cole non quere pasar este asunto por alto, así que aproveitamos este mes para promover actividades de comenzo de curso para abrir a nosa Biblioteca a todo o alumnado.

Posta en marcha das mochilas viaxeiras

Sesións de formación de usuarios

Comenzo da Hora de Ler

Concurso de debuxo: "Unha biblioteca imaxinaria"

Kristy, autora del canal klinderholm en YouTube , agradece nun precioso vídeo á Biblioteca Escolar do seu centro de primaria, que lle cambiase a vida… Está en inglés, pero merece a pena , se non sabes Inglés, déixate levar polas imaxes.

A IMPORTANCIA DE LER

2010-10-04T14:06:00.000-07:00

CONMEMORANDO O DÍA DOS MAIORES

2010-10-02T14:04:00.000-07:00
Onte, 1 de outubro, conmemorouse o Día Internacional dos Maiores e con tal motivo recibimos a visita dos maiores do Centro de Día do noso concello. Decidiron compartir con nós este día preparando un mural co alumnado de 1º de Primaria, para o que lles ensinaron primeiro a facer unhas fermosas frores.
Todos disfrutamos desta xornada tan especial, pero creo que unha das que máis foi Victoria porque por fin puido ver cumprido o seu sono, ser mestra por un día.

Esta non vai ser a última das colaboracións porque xa sabemos que están preparando algunha actividade máis para vir.Estamos desexosos de volveros a ter aqui.

GRAZAS A TODOS, A CARMEN, CASIANO, TERESA, CONSUELO,VICTORIA, NIEVES, CONCHA, CASILDA, SERAFÍN, ÁNGEL E MARCELINA!! E INCLUSO AOS QUE NON PUIDERON VIR!!

BENVIDOS

2010-09-06T08:46:00.000-07:00

Benvidos a outro novo curso. Un curso cargado de novos proxectos e ilusións.
Moitos estaredes desexando estrear, abrir e ver que é o que hai dentro dos novos libros, coñecer aos novos profesores e profesoras ou voltar a ver aos de sempre, contar as historias do verán , reais ou non tan reais e escribilas, debuxalas ...

Esperámosvos a todos o vindeiro venres 10 de setembro ás 9.

FELIZ COMENZO DE CURSO

DESPEDIDA AO NOSO CLUB DE LECTURA

2010-06-21T13:16:00.000-07:00

Hoxe tivemos a xornada de despedida do Club de Lectura de 6º.Fixemos un roteiro literario polo río Tea.Compartimos a lectura do poema de Pablo Neruda "El río", escribimos unha historia entre todos, inspirándonos no río, e fixemos a avaliación deste curso.

Se queredes saber máis cousas desta xuntanza podedes visitarnos no blog do club de lectura.

CONTINUAMOS CO TEATRO

2010-06-10T02:28:00.000-07:00
Onte e hoxe volvimos disfrutar co teatro. Algunhas obras repetíronse pero con diferentes actores e actrices para outros cursos . Aínda que houbo cambios, o ambiente e a maxia creada continuaron.

Parabéns aos nosos actores e actices que ano a ano vanse superando.

Create Your Own

O ano que ven voltaremos co teatro pero non vos esquenzades que ler teatro tamén pode ser divertido.

V MOSTRA DE TEATRO

2010-06-07T00:57:00.000-07:00
Un ano máis poderemos disfrutar dunha mostra de teatro, neste caso xa a 5ª, preparada polo noso alumnado. Un bo momento para ler teatro polo que na biblioteca poderedes disfrutar dunha escolleita preparada para as diferentes idades.

Un dos obxectivos principais, que queremos conseguir con estas mostras ,é favorecer o desenvolvemento da capacidade creativa e expresiva dos alumnos/as a través do teatro.

A continuación presentámosvos a carteleira para esta semana:

LUCES, CÁMARA, ACCIÓN!!!

INVESTIGANDO SOBRE O CAMIÑO DE SANTIAGO

2010-05-23T01:00:00.000-07:00

A celebración do 2010 como Ano Xacobeo é unha oportunidade excepcional para axudar a que o alumnado coñeza o contexto dos Camiños a Santiago.
Galicia é testigo do paso dos peregrinos polo Camiño que, ao longo da historia, leváronos ata o seu destino final: Santiago de Compostela.
O interese neste tema suscitou a idea de investigar sobre él e sobre a orixe do uso das cabazas dos peregrinos.

GUSANOS DE SEDA

2010-05-21T06:51:00.000-07:00
Un ano máis apareceron gusanos de seda no colexio.Con esta experiencia os nenos aprenden o proceso biolóxico da naturaleza vendo como nacen os gusanos (cun tamaño de menos de 1 mm.), como medran comendo follas de morera (chegando a medir 4 ou 5 cm.), como producen seda facendo o capullo, como se transforman nunha mariposa e como esta se aparea producindo novos ovos.
Toda unha lección de natureza que ninguén se quere perder.

Se queredes vivir o proceso dun xeito virtual animádevos a ver este vídeo.

Xa sabedes, como mascota é o mellor animal: come e gasta pouco, non ensucia e necesita pouco espacio e pouca dedicación.

MÁIS RECURSOS DE UXÍO NOVONEYRA

2010-05-13T08:59:00.000-07:00
Durante este mes as bibliotecas escolares galegas non paran de enviar traballos marabillosos sobre Uxío Novoneyra.
Dende o IES de FENE cheganos esta presentación preparada pola Biblioteca do CEIP MILLADOIRO DE MALPICA.

Follarasca ux
View more presentations from biblioteca escolar milladoiro malpica.

MANOEL DE RIBADAIRA

2010-05-11T11:12:00.000-07:00
A poesía de Novoneyra da moito de si, hoxe queremos pór de manifesto a súa faceta social con este traballo que nos chega vía CPI “LUÍS DÍAZ MORENO” de BARALLA.

Uxío retoma unha historia aterradora para facer un romance e con él recuperar a memoria histórica: "Manoel de Ribadaira" . Como en moitos lugares de Galicia, no Courel tamén se practicaban "paseos" contra aquelas persoas que estaban baixo sospeita. Manoel Cela foi unha delas.

manoel de ribadaira
View more presentations or Upload your own.

BIOGRAFÍA DE UXÍO NOVONEYRA

2010-05-10T07:58:00.000-07:00
Hoxe querémosvos amosar o traballo feito polo alumnado do terceiro ciclo, sobre Uxío Novoneyra. Seguro que vos vai axudar a atopar as respostas ás preguntas propostas por Don Moucho para esta semana.

CINE EN GALEGO

2010-05-09T13:31:00.000-07:00
Durante este mes estamos celebrando o mes das letras, como xa sabedes, e entre as actividades propostas está un ciclo de cine en galego.

A primeira película, escollida para os pequenos, foi "O BOSQUE ANIMADO"pero por problemas técnicos houbo que cambiala por "O SOÑO DUNHA NOITE DE SAN XOÁN".

Din as lendas que unha noite ao ano, no San Xoán, os humanos poden acceder ao Mundo Máxico. Elena, intelixente pero pouco soñadora, non cre en contos. Pero cando cae enfermo O seu pai, o duque Teseo, ela está disposta a calquera cousa para lle devolver a ilusión. Mesmo ir na procura de Titania, raíña das fadas. Sen embargo, o Mundo Máxico xa non é o que era, pois malgobérnao o rei Oberón, quen comercia cos feitizos axudado polo trasno Perecho.
Se clicades na imaxe podedes saber máis cousas sobre a película.

Para os maiores escolleuse "O CID, A LENDA". Trátase dunha visión do mito do grande cabaleiro español, moi presente tamén na historia do cine.
Producida pola compañía Filmax, a película tivo unha importante participación galega, xa que traballaron nela profesionais dunha factoría de animación radicada en Santiago de Compostela.

Se queredes saber algo máis sobre esta película clicade sobre a imaxe.

VISITA DE MARÍA LIRES E SUSANA LAMELA

2010-05-06T13:20:00.000-07:00

Hoxe tivemos o pracer de recibir na nosa biblioteca, unha vez máis, a Susana Lamela, escritora do libro "Soños de andel"e da ilustradora María Lires.
Escoitámolas lendo diferentes fragmentos e intercambiamos con elas preguntas, comentarios e incluso ilustracións. Houbo quen lle dixo a María que a mamá de Mar se parecía a ela.
Os nenos e nenas estiveron debuxando con Maria , pero alguns xa traian os seus debuxos feitos para regalarllos.Explicáronnos un montón de cousas interesantes, como cando María decidiu darlle vida aos libros a partir dos seus chapeus, quixo reflexaran o seu contido. Susana comentounos que a idea principal deste conto é animar a todos aqueles que teñen algún complexo, todas e todos temos moito que ofrecer e que temos que loitar por facer realidade os nosos soños.

Grazas Susana e María !! !Foi unha xornada irrepetible!!!

TALLER DE ILUSTRACIÓN CON NOEMÍ LÓPEZ

2010-04-25T08:36:00.000-07:00

O venres tivemos a sorte de contar coa ilustradora Noemí López no noso centro. Impartiu un taller de ilustración ao alumnado de 1ºde Primaria.Durante os días anteriores nas clases estiveron traballando con libros da biblioteca nos que ela é a ilustradora.

Ensinoulles, aos participantes, cómo debuxar diferentes expresións, posturas e movimientos, etc. Animounos a expresarse por medio do debuxo, fomentando a creatividade e a imaxinación a través das actividades plásticas.

Que cara de satisfacción, tiñan algúns rapaces e rapazas cando conseguían reflexar o que ela lles ensinaba. Deixámosvos unha pequena mostra deste taller para que vos fagades unha idea do que alí aconteceu.

GRAZAS NOEMÍ POR ESTA SESIÓN INOLVIDABLE!!!

APADRIÑANDO LECTORES

2010-04-23T14:56:00.000-07:00
Chegou o gran día!!Durante toda a semana os padriños e madriñas (de 6º a 3º) foron coñecendo aos seus afillados e afilladas (EI, 1º e 2º) e escollendo os contos que lle ían ler. Sentían unha grande preocupación por se non era o libro axeitado ou non lles ía gustar aos seus afillados.

Unha vez elexido tiñan que practicar a súa lectura buscando o tono axeitado para contarllo.Canto mellor coñeceran a historia mellor sería o resultado.

Despois do recreo os padriños e madriñas foron buscar aos seus afillados ou afilladas e nun lugar tranquilo do patio deixamos que as distintas parellas se acomodaran e disfrutaran do seu conto.

Pero non só se traballou con esta actividade aspectos relacionados coa lectura senón tamén se fomentou nos pequenos unha relación de afecto hacia os maiores , e viceversa, que fai que agora aproveiten as ocasións que nos brinda a escola para afianzar os vínculos afectivos.

Xa hai algúns afillados que queren lerlles aos seus padriños e madriñas e incluso algúns xa lles regalaron debuxos, recitáronlles algunha poesía... esto só acaba de empezar!!

COMPARTINDO LECTURAS COS NOSOS MAIORES

2010-04-22T14:11:00.000-07:00

Onte, pola tarde, co noso CLUB DE LECTURA e algúns voluntarios de 6º, visitamos o Centro de Día da Terceira Idade para compartir con eles un tempo de lectura. Levábamos preparados varios libros e poemas que falaban sobre avós e netos:" Os avós", "As trenzas do avó "e "Aquel vello e aquel neno". Algúns prepararon poemas de Paula Carballeira e outros decidiron ler algún de Bécquer e Juan Ramón Jiménez.Carla e Ángela prefiriron escribir uns poemas exclusivos para eles.

Foron momentos moi entrañables cos seus aplausos, comentarios e palabras e incluso cos seus silencios. Cando rematamos coas lecturas eles tamén quixeron deleitarnos con algúns poemas e contos. Preparárannos unha tarta de chocolate durante a mañán e entre bocado e bocado falamos con algúns deles sobre os seus netos e incluso os que non tiñan sentíronse por un día avós.
Pedíronnos que voltáramos a visitalos e nos invitámolos a ir ao noso cole.

Grazas a Victoria, Avelina, Nieves, Serafín ... e a todo o persoal que con tanto cariño nos acolleron.

PARA QUE LES?

2010-04-22T14:09:00.000-07:00
Este ano para celebrar o día 23 de Abril, Día Internacional do Libro, e partindo dunha iniciativa da ONG Implicadas no Desenvolvemento (IND) (http://implicadas.blogaliza.org/), xunto co IES de Fene e o Ceip Milladoiro de Malpica e coa colaboración das Bibliotecas Escolares Galegas, xurdiu esta proposta:

PARA QUE LES?

Persoeiros famosos do mundo deportivo, periodístico, político ... compartiron con nós as súas reflexións sobre a lectura.
Aquí tedes unha pequena mostra

Dende aqui aproveitamos para darlle as grazas a Olga, Loli, Charo e a Jaime Eizaguirre, creador dos deseños e ilustracións.
A biblioteca propuxo sumarnos a esta iniciativa o profesorado,libeiros e outra xente de Ponteareas, de xeito que fixemos un gran mural no que se misturaban as nosas respostas coas dos persoeiros famosos.
Penso que o alumnado parouse máis na do profes
orado e nas lecturas que nos gustaban cando eramos pequenos que nas dos famosos.

CONTACONTOS CON IAGO

2010-04-15T13:43:00.000-07:00

Outro ano máis tivemos o pracer de escoitar a Iago, contounos a historia de Leocadio, o león. Con este conto tratáronse temas como a amizade, o respeto da diferencia e o valor dos soños e a fantasía como base da convivencia no mundo. Todos estamos desexando ler o libro.

Pasámolo tan ben que ninguén quería que rematara.

ABRIL MES DOS LIBROS

2010-04-15T13:34:00.000-07:00

Este é o mes dedicado aos libros e á lectur e nos para conmemoralo programamos diferentes actividades .

- Exposición de libros feitos polos alumnos/as
- Visitas á Biblioteca Municipal (E.I 4 anos)
- Exposición permanente:Para que Les?.Textos e imaxes de persoas relacionadas co mundo do libro, xunto a deportistas, presentadores de televisión, actores…
As achegas do profesorado e dalgunha xente máis de Ponteareas, entre eles algúns dos nosos libreiros, tamén estarán presentes.
- Visita do Club de Lectura ao Centro de día da terceira Idade, para compartir con eles un tempo de lectura .
-Visita da ilustradora Noemí López.
- Contacontos por parte de Iago para os de E.I e o 1º Ciclo
-Apadriñamento lector dos maiores (dende 6º a 3º) aos pequenos (E.I, 1º,2º)

FELIZ MES DOS LIBROS!!!

APADRIÑA UNHA PALABRA

2010-04-08T12:55:00.000-07:00

“APADRIÑA UNHA PALABRA” é un proxecto escolar dirixido a rescatar do esquecemento ou desuso palabras da nosa lingua a través da implicación de todos os sectores da Comunidade Educativa: alumnado, familias e profesorado.
Aproveitando que o ano 2010 foi proclamado pola UNESCO, ano da biodiversidade, queremos animar a protexer non só as especies do noso planeta , senón a nosa Lingua.
Convidámosvos a participar connosco neste exercicio colectivo de amor polo Galego, porque non costa nada e porque aínda estamos a tempo de non deixar no esquecemento palabras que formaron parte da vida dos nosos maiores e que por diversas causas están deixándose de utilizar.
Remexe na túa memoria, investiga no entorno familiar, nas tradicións e formas de vida que os maiores aínda lembran ...e envíanos co teu fillo/a, UNHA PALABRA que, pola súa beleza, sonoridade, orixinalidade, funcionalidade, ..., eles mesmos van apadriñar.
Explícanos o seu significado e contextos de uso , e todo aquilo que consideres de interese, para aumentar a eficacia deste traballo.
As palabras apadriñadas, recolleranse nun libro co nome do informante e formará parte da nosa Biblioteca.

GRAZAS A TODAS AS FAMILIAS QUE XA NOS FIXÉCHEDES CHEGAR AS VOSAS APORTACIÓNS!

HONOLOKO, XOGO SOBRE A SAÚDE E MEDIO AMBIENTE

2010-04-04T01:30:00.000-07:00
Honoloko é un xogo educativo multimedia creado pola “Axencia Europea do Medio Ambiente”. Unha serie de personaxes axudarannos a ir aprendendo máis sobre os conceptos que afectan ao medio ambiente.

Atopámonos na illa de Honoloko, un mundo real, donde os teus actos e accións teñen consecuencias na vida da illa, na vida dos seus habitantes e no medio ambiente.

Se as túas decisións reciben boas puntuacións en Recursos ou Enerxía mejoras o medio ambiente. Cando as puntuacións de Saúde ou Forma física suben ou baixan verás como a saúde dos habitantes de Honoloko mellora ou empeora.
Lembra que un mellor medio ambiente vai ligado a unha mellora da saúde dos habitantes.

Son catro os temas principais do xogo : a saúde, a forma física, a enerxía e os recursos naturais. Deberemos ir sumando puntos para convertirnos en verdadeiros axentes medioambientais.

Non perdas de vista a illa; verás que se producen cambios según as decisións que tomes.

Ánimo e aprende a manter limpa a cidade de Honoloko

Clica na imaxe para empezar a xogar

MOSTRA DAS POESÍAS DO CERTAME

2010-04-02T14:36:00.000-07:00
Como xa vos comentamos, este ano o certame de poesía tiña como temática a natureza. Hoxe deixámosvos unha pequena mostra das creacións dos nosos ecopoetas.

DÍA DO LIBRO INFANTIL E XUVENIL

2010-04-01T15:11:00.000-07:00

O 2 de abril de cada ano celébrase o Día do Libro Infantil e Xuvenil para conmemorar a data na que naceu o célebre escritor danés Hans Christian Andersen. Un día dedicado a promover a lectura na infancia e na xuventude.

Sempre temos presente no noso traballo que os rapaces e rapazas que disfrutan coa lectura, reciben o agasallo máis preciado que é apropiarse do fantástico mundo das palabras

O IBBY promove dende 1965 a celebración do Día Internacional do Libro Infantil. Cada ano unha sección do IBBY elabora un cartel e unha mensaxe. Este ano tocoulle a España e, baixo o lema “ Un libro te espera, ¡búscalo!”. Foi Eliecer Cansino o encargado da mensaxe, e Noemí Villamuza a encargada da ilustración.

IMAXES DESTE MARZO POÉTICO

2010-03-25T15:19:00.000-07:00
Durante este mes tivemos diferentes actividades relacionadas coa poesía. Houbo ata piruletas de corazón para os participantes no certame, para que sigan amando a natureza .Hoxe querémosvos deixar unha pequena mostra .

FELIZ DÍA DA POESÍA

2010-03-21T14:59:00.000-07:00
Hoxe 21 de Marzo, ademais de ser o día que comeza a Primavera, é o día internacional da Poesía. Durante toda esta semana, na biblioteca, poderemos escoitar os poemas, sobre a natureza, que escribíchedes.

SE DA POESÍA QUERES DISFRUTAR,

NO RECREO PODERALA ESCOITAR.

Como agasallo deixámosvos un poema de Paula Carballeira , unha das nosas escritoras favoritas, na voz de Mar Bargiela.

ILUSTRANDO POEMAS

2010-03-21T12:50:00.000-07:00

Durante este mes estivemos traballando a poesía nas aulas.Os nosos peques de Infantil tamén, e ademáis ilustráronnos algúns.
Deixámosvos unha pequena mostra dos seus traballos.

.

MENUDOS ARTISTAS TEMOS NO COLE!!!

UXÍO NOVONEYRA NO MES DA POESÍA

2010-03-19T13:44:00.000-07:00
Como ben sabedes todos, o mes de marzo dedicámolo á poesía dende hai varios anos.
Que mellor maneira de celebralo, este ano, que dedicar un día a recitar poemas de Uxío Novoneyra. Grazas a un grupo de voluntarios de sexto, puidemos empezar a familiarizarnos con este personaxe a quen se lle dedican este ano as Letras Galegas. Tiveron os seus agasallos correspondentes por participar. Cando rematou o acto repartíronse poemas entre o público asistente.

CONTACONTOS PARA OS DE INFANTIL

2010-03-19T01:37:00.000-07:00

Esta semana os de Educación Infantil tiveron unha actuación moi especial na biblioteca. María Eirimia contoulles varios contos coa axuda duns personaxes que sacaba da súa maletiña. Puidemos disfrutar desta sesión grazas á Editorial Oxford.
As caras dos nosos peques reflexan a maxia que se conseguiu crear.

GRAZAS MARÍA POLOS TEUS CONTOS!!!

UXIO NOVONEYRA NA NOSA BIBLIOTECA

2010-03-14T15:00:00.000-07:00
Para ir coñecendo algúns dos poemas deste escritor ,a quen se lle dedican as letras, deixámosvos unha pequena mostra.

Cai a neve cai
Falopiña a falopiña
Nin o vento a arremuíña
Nin a auga a desfai.
............................
Brila a auga nas beiras…

Calzas do cuco polas uceiras
i as bouzas dos outos boscos
nos tesos núos e foscos!

Loairas de sol!
Ventaladas de aire e razadas de auga!

Metidiño na camiña,
tapadiño hasta as orellas,
sinto zapicar as beiras
e xubriar a ventanía.
......................................
Pacen as vacas
na nabarega.
Treme a pequena
que vai co elas.
Febreiro Chove
febreiro xea
febreiro nevaneve lixeira…

ANIMÁDEVOS A MEMORIZAR ALGÚN DELES!!!

REMATA A SEMANA DA PRENSA

2010-03-13T14:47:00.000-08:00
Esta semana puidemos contemplar e traballar a exposición espléndida sobre a prensa mundial que nos prestou a biblioteca do IES Pazo da Mercé, todo tipo de xornais :deportivos, económicos, rexionais ... e incluso algúns exemplares comarcais, que xa se deixaron de publicar fai anos. Conta cunha gran variedade de xornais e linguas que podemos observar. Ademais,vai acompañada dunha serie de fichas informativas sobre cada exemplar. O alumnado realizaba un cuestionario que iba cubrindo cos datos observados na exposición.
Algúns cursos utilizaron os xornais na "Hora de Ler" . Outros usaron a hora que lles corresponde de biblioteca. Outro momento que se aproveitou para este fin foi a hora do recreo.

Cool Slideshows

DÍA DA MULLER TRABALLADORA

2010-03-07T14:12:00.000-08:00
O 8 de marzo celébrase o Día Internacional da Muller Traballadora , un bo momento para lembrar a defensa dos dereitos da muller e para reivindicar ditos dereitos públicamente con máis forza que nunca.Dende aqui queremos homenaxear a todas aquelas mulleres que loitaron e aínda loitan pola mesma igualdade de dereitos e de oportunidades.

Se queredes saber máis sobre a orixe desta celebración invitámosvos a ver este vídeo

SEMANA DA PRENSA

2010-03-07T01:16:00.000-08:00

Gerónimo Stilton é un dos nosos xornalistas favoritos, traballa na redacción de "O Eco do Roedor", se queredes visitalo só tedes que clicar na imaxe.

Empezaremos a semana abrindo as portas da exposición "Xornais do mundo", prestada polo IES Pazo da Mercé (As Neves).Descubriremos os diferentes alfabetos e a gran variedade lingüítica que hai no mundo.

Preparádevos para investigar no mundo dos xornais durante esta semana!!!

CONTRA UN MAR DE PLÁSTICOS

2010-03-03T14:14:00.000-08:00
Viana, alumna de 5º, fíxonos chegar este vídeo que atopou e que lle impresionou.
Que estamos facendo cos nosos mares? Os plásticos representan un perigo real para a vida mariña.Moitas especies se ven afectadas por esta contaminación.

Un consello para este verán:

NON TIREDES BASURA NA PRAIA!!!

O XARDÍN DE FLOPILOPI

2010-03-01T14:05:00.000-08:00
Outro conto dos nosos ecoescritores. Disfrutádeo!!!

Flopilopi, era u pequeno verme que nunca tivera problemas, ata que unha horrible planta carnívora se instalou a carón de donde el vivía.
Dous amigos, Piñeiro e Xesta, estaban a dar un paseo cando escoitaron que detrás dun montón de herbas, saía Flopilopi.
- Auxilio!, vanme matar todas as plantas do xardín, e unha carnívora quere ser a primeira!, Socorro!. Dixo o vermiño moi asustado.
As dúas árbores quixeron axudarlle e dicidiron fabricar pole para tirarlle a planta carnívora e así deixaría ao vermiño tranquilo.
Así o fixeron, conseguiron moitas sementes que había tiradas no chan, colléronas e lanzáronllas todas. Tras un duro combate, Xesta conseguiu derribar a planta carnívora e o xardín voltou á normalidade e Flopilopi seguiu coa súa vida a carón das súas plantas amigas.

IAGO BARROS DOMÍNGUEZ (4ºA)

IV CERTAME DE POESÍA

2010-02-28T13:09:00.000-08:00

Xa sabedes que marzo é o mes que dedicamos a poesía. Estamos preparando diferentes actividades entre elas o IV Certame de Poesía.

BASES

1.Poden participar no concurso todos os alumnos e alumnas do centro.
2. Os POEMAS deben presentarse indicando o nome e apelidos do autor e o seu curso.
3. Os POEMAS deben depositarse na CAIXA situadas na biblioteca .
4. Os POEMAS que presenten FALTAS DE ORTOGRAFÍA serán
automáticamente descalificados.
5. O tema será sobre a NATUREZA (animais,plantas.árbores...)
6. O prazo de presentación rematará o 18 de MARZO.
7.Os mellores poemas serán publicados no blog.

ANIMÁDEVOS A ESCRIBIR POESÍA!!!

OS AMIGOS E A SAÚDE SON O PRIMEIRO

2010-02-28T09:00:00.000-08:00
Os alumnos e alumnas de 4ºA estiveron escribindo contos tendo por protagonista a natureza. Deixámosvos unha pequena mostra.

Érase unha vez unha árbore chamada Limoeiro. Tiña uns amigos, un arbusto chamado Hibisco e unha planta chamada Trébol. Un día, paseaba polo campo, unha nena que se atopou a trébol, e como ela oira que daban boa sorte, levouno para a súa casa. Hibisco deuse de conta daquel rapto, e oía a Trébol pedir axuda, na linguaxe das plantas, pero non puido facer nada por salvalo. Pasaban os días e Trébol estrañaba aos seus amigos e intentou fuxir. Saíu da maceta na que estaba plantado pero... pronto comezou a sentirse débil, non tiña sales minerais, nin auga, aínda que si demasiada luz solar. Conseguíu chegar ata o bosque e alí, nun curruncho quedou desfalecido. Limoeiro, viu a Trébol e coas súas ramas colleuno e meteuno de novo na terra. Trébol deuse de conta de que os amigos e a saúde son o primeiro.

Leire Bayona Díaz

DON MOUCHO QUERE SABER

2010-02-27T01:51:00.000-08:00

Recuncho do 3ºCiclo de Primaria (5º e 6º)

Recuncho do 2ºCiclo de Primaria (3º e 4º)

Recuncho do Primeiro Ciclo de Primaria (1º e 2º)

Recuncho de Infantil

Esta semana comezamos unha nova actividade de búsqueda de información proposta por Don moucho, a mascota da nosa biblioteca. Plantexará unha pregunta todos os luns que responderedes,os que queirades, e teredes que deixala, antes do venres, na caixa do voso recuncho do ciclo.Non esquenzades poñer o voso nome, curso e fonte na que atopáchedes a información.Como todos os anos, entre os acertantes faremos un sorteo cun pequeno agasallo incluido.Este ano tedes máis oportunidades xa que hai unha pregunta por ciclo.
Se neste primeiro sorteo non tivérades sorte, seguídeo intentando que todavía quedan moitas máis. Con esta actividade aprenderemos moitas cousas.

ANIMÁDEVOS A PARTICIPAR!!!

ANIVERSARIO DE ROSALÍA DE CASTRO

2010-02-24T10:09:00.000-08:00

Hoxe conmemórase o aniversario dunha das nosas grandes poetisas, Rosalía de Castro.Para conmemoralo deixámosvos un dos nosos poemas favoritos "Adios ríos, adios fonte".Pero... seguro que non sabedes que o poeta nipón Shozo Nakanishi fixo a tradución deste poema ao xaponés. Levoulle un total de dez anos para que os seus compatriotas puidesen chegar a entendelo porque asegurou que para él traducir non é só cambiar as palabras, senón tamén interpretar os sentimentos que se describen.
Disfrutade deste poema na voz de Amancio Prada.

UN POUCO MÁIS DE CHUVIA

2010-02-24T09:34:00.000-08:00
Por si nestos días non escoitáchedes o son da chuvia...

Disfrutade destos efectos especiais!!

DÍA INTERNACIONAL DA LINGUA MATERNA

2010-02-21T13:34:00.000-08:00

Hoxe, 21 de febreiro, celébrase o Día Internacional da Língua Materna, data que estableceu a Conferencia Xeral da Unesco en 1999, co obxectivo de promover o pluralismo lingüístico e a diversidade cultural. Ademais, busca impulsar o recoñecemento e a práctica das linguas maternas de todo o mundo e, en especial, as das linguas con menos falantes.

Podedes atopar recursos para traballar esta data na páxina da SECRETARÍA XERAL DE POLÍTICA LINGUÍSTICA

LECTURAS DE IDA E VOLTA

2010-02-21T09:53:00.000-08:00

O noso Centro está participando no programa “ Lecturas de Ida y Vuelta “ da Fundación Germán Sánchez Ruipérez de Salamanca.
Imos poder disfrutar destos libros durante dous meses .É unha selección de libros, en galego,dirixidos a diferentes idades polo que os repartimos por lotes e están rotando nos diferentes ciclos.
Na HORA DE LER aproveitase para lelos cando están na súa clase.
Gústalles tamén recomendarse os libros, intercambiar comentarios e incluso lerllos en voz alta aos seus compañeiros, e os que todavía non saben ler , descubren a historia partindo das imaxes e compartena co resto da clase.